reserva

Camino del Balneario, s/n 27004 Lugo

982 221 228

Termas Romanas

No centro do edificio no Balneario de Lugo atópanse As Termas Romanas , un dos monumentos máis representativos do legado cultural romano.

A súa construcción comenzou ó compás dos primeiros pasos da cidade, fundada polo legado de Augusto, Paulo Fabio Maximo, no ano 15 antes da nosa era e que co tempo sería a capital da Gallaecia Septentrional, o Conventus  Luridicus.

As Termas están nunha contorna modelada polo conquistador romano. A pouco máis de 100 metros atópase a ponte romana que constituiu a principal comunicación da cidade co sur de Galicia.

Os baños públicos formaban parte do modo de vida romano e representaban a magnificencia e o poder dos seus gobernantes. Case todos tiñan unha serie de salas comúns con funcións específicas. No Apodyterium as persoas desvestíanse e nas paredes abríanse unha serie de nichos para deixar as roupas. O Caldarium era a sala do baño quente. O Tepidarium servía de transición para o baño frio que era o Frigidarium. Ademáis podía haber outras estancias para baños de vapor, para facer exercicio ( palestra) ….

As excavacións arqueolóxicas realizadas proporcionan valiosa información no tocante a organización das Termas Romanas. Así na excavación da piscina do patio posterior atopáronse 14 aras partidas pola metade, dedicadas ás Ninfas por personaxes de relevancia da época: Marco Ulpio Longiniano, Lucio Valerio Maximo, Marco Hortensio Maximiliano…, con elas demostran o seu agradecemento ás deusas titulares do manantial pola calidade curativa das súas augas.

As Termas estiveron sempre en uso ó longo dos séculos e son outra testemuña máis da pervivencia das grandes obras públicas romanas da cidade de Lugo: a Muralla, A Ponte, o Acueducto e a rede de sumidoiros….

Horarios de visita das Termas Romanas

Dende o 09 de Decembro de 2019 ata o 01 de Marzo de 2020 (ambas datas inclusive), a visita as Termas Romanas será os XOVES en horario de 9.30h a 13.30h.

Para grupos de 10 ou máis persoas é necesario realizar previa reserva.

Durante o resto do ano o horario é:

De 9.00h a 21.00h (Domingos de 9.00h a 13.00h).

Para grupos de máis de 10 persoas necesario realizar previa reserva. Horario de 12.30h a 13.30 e de 16.00h a 18.00h.